Breaking News

Institution Based Professional Development (IBPD)

Daw Kay Khaing HtweElectronics Engineering Department
Daw Pa Pa ZawElectrical Power Engineering Department

ရည်ရွယ်ချက်

နည်းပညာ၊သက်မွေးပညာနှင့် လေ့ကျင့်ရေးဦးစီးဌာနအောက်ရှိ ကျောင်းများတွင် ကျောင်းအခြေပြုစွမ်းဆောင်ရည်မြှင့်တင်မှုဌာနများ ထူထောင်၍ ဆရာ/မများ၏ စွမ်းဆောင်ရည် မြှင့်မားရေးလုပ်ငန်းများဆောင်ရွက်သွားရန်

ဖွင့်လှစ်ရသည့် အကြောင်းအရင်း

နည်းပညာမြှင့်တင်ရေးသင်တန်းဌာန (ဘယ်လင်း)သည် မြန်မာနိုင်ငံသက်မွေးပညာကဏ္ဍ၏ တစ်ခုတည်းသော ဆရာ/ဆရာမများအား လေ့ကျင့်ပေးသောဌာနတစ်ခုဖြစ်သည်။

  • တစ်ကြိမ်တွင် သင်တန်းသား(၂၀၀)ဦးရေခန့်သာ ပို့ချနိုင်ခြင်း၊
  • သင်တန်းတတ်ရောက်ရာတွင် များပြားသောကုန်ကျစရိတ်၊ လုံလောက်သော သင်ထောက်ကူပစ္စည်းများမရှိခြင်း၊
  • ကျောင်းများတွင် ရှိသော လက်တွေ့ပစ္စည်းများနှင့် သင်တန်းဌာနရှိ လက်တွေ့ပစ္စည်းများ ကိုက်ညီမှုမရှိခြင်း၊ စသော အကြောင်းအရင်းများကြောင့် ဖွင့်လှစ်ရခြင်း ဖြစ်သည်။

ဒေသနှင့် ကိုက်ညီသော စွမ်းဆောင်ရည်များကို ပိုမိုရှာဖွေမြှင့်တင်ပေးရန် လိုအပ်ခြင်းကြောင့်လည်း ဖွင့်လှစ်ခဲ့ပါသည်။

ဆောင်ရွက်သွားမည့် လုပ်ငန်းစဉ်များ

  • စွမ်းဆောင်ရည်မြှင့်တင်မှုဆိုင်ရာ လမ်းညွှန်ချက်များ ပြဌာန်းဆောင်ရွက်သွားရန်၊ PD leader များနှင့် HOPD များအား စွမ်းဆောင်ရည်မြှင့်တင်မှုသင်တန်းများ ဖွင့်လှစ်ပို့ချသွားရန်
  • ရွေးချယ်သတ်မှတ်ထားသော ကျောင်းများမှ စွမ်းဆောင်ရည်မြှင့်တင်မှုဌာနများသည် ဝါရင့်ဆရာ/ဆရာမများအတွက် အရည်အသွေး မြှင့်တင်မှုလုပ်ငန်းများစီစဉ်ဆောင်ရွက်ပေးခြင်း
  • အသစ်ခန့် ဆရာ/ဆရာမများ၏ လိုအပ်သော သင်ကြားမှုနှင့် စွမ်းဆောင်ရည်မြှင့်တင်မှု အရည်အသွေးပြည့်ဝစေရေးလုပ်ငန်းများအား စီစဉ်ဆောင်ရွက်ပေးခြင်း
  • ဒေသတွင်းရှိ စက်မှုလက်မှုလုပ်ငန်းရှင်များနှင့် ချိတ်ဆက်၍ လုပ်ငန်းခွင် လိုအပ်ချက်နှင့်ကိုက်ညီပြီး ဆရာ/ဆရာမများနှင့် ကျောင်းသား/ ကျောင်းသူများ၏ လက်တွေ့အသုံးချမှု အရည်အသွေးမြှင့်တင်နိုင်မည့် ပူးပေါင်းဆောင်ရွက်မှုများ ပြုလုပ်နိုင်စေရန် ဆောင်ရွက်ပေးခြင်း

ပါဝင်ဆောင်ရွက်သွားမည့်သူများ

  • Professional Development Advisory Group (PDAG) (DTVET DDG အပါအဝင်အဖွဲ့ဝင် (၇)ဦးပါအဖွဲ့)
  • PD Team (အဖွဲ့ဝင် (၅)ဦးပါအဖွဲ့)
  • PD Leaders(လက်ရှိနည်းပညာမြှင့်တင်ရေးသင်တန်းဌာန( ဘယ်လင်း)မှ ဆရာ/ဆရာမ (၅)ဦးနှင့် အခြားကျောင်းများမှ ရွေးချယ်ထားသူ (၄)ဦး)
  • HOPD များအား ကျောင်းစီမံခန့်ခွဲရေးအဖွဲ့များမှ ရွေးချယ်ထားသော (၁)ကျောင်းလျှင် (၂)ဦး

ပူးပေါင်းပါဝင် ပံ့ပိုးသွားမည့်သူများ

  1. ကျောင်းအုပ်ကြီးများ
  2. ဌာနမှူးများ
  3. ဆရာ/ဆရာမများ
  4. DTVETရှိဌာနခွဲများမှ တာဝန်ရှိသူများ
  5. ပညာရေးဝန်ကြီးဌာန
  6. ဒေသတွင်းရှိ ပူးပေါင်းဆောင်ရွက်သူများ (အစိုးရအဖွဲ့အစည်းများ၊ စက်မှုလက်မှုလုပ်ငန်းရှင်များ၊ ပြင်ပအဖွဲ့အစည်းများ)